Tūrei 25 o Mahuru 2007

Te Kōmihana Whakatau Rohe Pōti 2007

KUA TAU NGĀ TAUPĀ ROHE PŌTI HŌU

Kua tau ngā taupā rohe pōti whānui e 63 me ngā rohe pōti Māori e whitu o te motu – me tētahi rohe pōti hōu rawa atu hoki kua whakatūria i Tāmaki-makau-rau, ko Botany te ingoa.Kua tau ngā taupā rohe pōti whānui e 63 me ngā rohe pōti Māori e whitu o te motu – me tētahi rohe pōti hōu rawa atu hoki kua whakatūria i Tāmaki-makau-rau, ko Botany te ingoa.Kua tau ngā taupā rohe pōti whānui e 63 me ngā rohe pōti Māori e whitu o te motu – me tētahi rohe pōti hōu rawa atu hoki kua whakatūria i Tāmaki-makau-rau, ko Botany te ingoa.

Kua tutuki i te Kōmihana Whakatau Rohe Pōti 2007 tōna kawenga i raro i te ture, ki te arotake me te whakairoiro anō i ngā taupā rohe pōti mō ngā pōtitanga whānui e rua ka whai ake.

Ki tā Kaiwhakawā Bernard Kendall, te Tiamana o te Kōmihana Whakatau Rohe Pōti, “E 331 ngā whakahē me ngā whakahē-ātete 114 i whiwhi i a mātau, mō ngā taupā hukihuki i pānuitia i te tīmatanga o Haratua". Ki tāna anō hoki, “Nā tēnei urupare tae atu ki ngā tāpaetanga i whakatakotoria i ngā whakawātanga huri noa te motu, i ngā pokapū e whitu, i āwhinatia ai te āhua o ngā taupā whakamutunga kua whakaritea mō ngā pōtitanga whānui o te tau 2008, me te tau 2011.”

• Kua noho ngā taupā rohe pōti e whitu ki ērā ō mua.
• Kua whai ingoa hōu ngā rohe pōti e iwa.
• Kua whakamahia ngā tohutō mō ngā ingoa rohe pōti 11 hei mea āwhina i te whakahuatanga kupu Māori, kia tika ai.

Kāore he Whakahōunga Taupā mō ngā Rohe Pōti e Whitu

Arā, ko ngā rohe pōti whānui e rima – ko Whangarei, North Shore, Northcote, Tauranga, Kaikōura me ngā rohe pōti Māori e rua hoki – ko Te Tai Tokerau me Waiariki ka mau tonu ki ō rātou taupā o te pōtitanga whānui 2002, me te pōtitanga whānui 2005.

Kotahi te Rohe Pōti Tāpiri

Kei te whakatūria he rohe pōti whānui tāpiri ki te tonga o Tāmaki-makau-rau, ko Botany te ingoa. Ko te rohe pōti o Botany te nuinga o ngā takiwā Poari Hapori o Botany tae atu ki te tāone hukihuki hōu o Flat Bush. Ka whakakapia e te rohe pōti tāpiri nei ngā wāhanga rohe pōti o Clevedon me Manukau East i mua, ā, kei roto hoki te takiwā Cockle Bay nō te rohe pōti o Pakuranga.

Ngā Ingoa Hōu mō ngā Rohe Pōti e Iwa i Tua Atu

Ka whakakapia e ngā rohe pōti hōu me ngā ingoa hōu, ngā rohe pōti e tū nei o Clevedon, Port Waikato, Piako, Ohariu-Belmont, Banks Peninsula, Rakaia, Otago, Aoraki me Tainui.

1. Ko Papakura – ka whakakapia e tēnei rohe pōti hōu ngā wāhanga rohe pōti o Clevedon, Port Waikato me Manurewa. Kei waenganui i te rohe pōti o Papakura, ko te takiwā tāone o Papakura, ko Kingseat me Clarks Beach hoki ki te uru. Ā, ki te raki, ko ngā tapa tāone hoki o Wattle Downs me Māhia Park, ā, ngā tapa tāone anō hoki o Manurewa East me The Gardens i te taha rāwhiti o te ara nui.

2. Ko Hunua – ka whakakapia e tēnei rohe pōti hōu ngā wāhanga rohe pōti o Clevedon me ērā o te rohe pōti o Port Waikato e tū nei tae atu ki ngā tāone o Clevedon, Maraetai, Tuakau, Pukekohe, Waiuku, ā, piki atu hoki ki Manukau Heads.

3. Ko Waikato – ka whakakapia e tēnei rohe pōti hōu ngā wāhanga rohe pōti o Piako, Coromandel, Hamilton West me Taranaki King Country. Ka ngaro atu te rohe pōti o Piako.

4. Ko Ōhariu – ka whakakapia e tēnei rohe pōti hōu a Ohariu-Belmont me te neke i te takiwā o Belmont ki te rohe pōti o Rimutaka.

5. Ko Selwyn– ka whakakapia e tēnei rohe pōti hōu ngā wāhanga rohe pōti o Waimakariri, Banks Peninsula me Rakaia.

6. Ko Port Hills – te ingoa hōu mō te rohe pōti o Banks Peninsula kua whakahōungia me te whakawhiti i te nuinga o te koi ake ki Selwyn.

7. Ko Rangitata – ka whakakapia e tēnei rohe pōti hōu ngā wāhanga rohe pōti o Aoraki me Rakaia. Ka uru atu hoki te Tāone Nui o Timaru me ngā tāone o Temuka, Ōrari me Ashburton hoki piki atu ki te Awa o Rakaia. Kua whakaurua hoki a Pleasant Point me ōna karapotinga tata ki te rohe pōti nei. Ka ngaro atu te rohe pōti o Rakaia.

8. Ko Waitaki– ka whakakapia e tēnei rohe pōti hōu ngā wāhanga rohe pōti o Otago me Aoraki. Kei roto hoki i te rohe pōti o Waitaki te katoa o ngā Taiwhenua o Central Otago me Mackenzie tae atu ki te wāhi whakateraki o te Taiwhenua o Queenstown Lakes huri noa ki Wānaka me tētahi wāhi Taiwhenua o Timaru (kāore koa ko te Tāone Nui o Timaru) huri noa hoki ki Paeroa me Geraldine. Ka ngaro atu ngā rohe pōti o Aoraki me Otago.

9. Ko Hauraki-Waikato – ka whakakapia e tēnei rohe pōti hōu te rohe pōti o Tainui me te whakauru hoki i te taupori nō te rohe pōti o Tāmaki Makaurau mai i te wāhanga whakatetonga o Manurewa, ā, ka whakanohoa te iwi Ngāti Maniapoto (nō te rōhe pōti rātou i mua o Tainui) ki te rohe pōti o Te Tai Hauāuru i te taha o te iwi Ngāti Raukawa.

Ki tā Kaiwhakawā Kendall, “Whai muri i te hātepe whakahē, whakahē-ātete hoki, kua tino whakairoirotia anōtia ētahi taupā rohe pōti hukihuki i Tāmaki-makau-rau. Kua tapaina te rohe pōti i whakatūria ki Tāmaki-makau-rau, ko Botany – kāore ko Howick te ingoa hukihuki”.

Ki tāna anō, “I puta he whakahē i te wehewehenga o te Kaunihera Taiwhenua o Timaru ki waenganui i ngā rohe pōti e rua o Waitaki me Rangitata. Kāore te Taiwhenua o Timaru i taea te whakanoho ki te rohe pōti kotahi, heoi, kua puria te takiwā o Pleasant Point ki te taha o te Tāone Nui o Timaru i te rohe pōti o Rangitata kia mau tonu ai tōna pānga hapori matua.”

Ki tā Kaiwhakawā Kendall anō, “I puta he whakahē i te rohe pōti o East Coast mō te whakaurunga o ētahi wāhanga Kaunihera Taiwhenua o Gisborne ki te rohe pōti o Napier. Kua puria te Riu o Cook ki te rohe pōti o East Coast.”

I kī anō hoki ia, “I puta he whakahē i te rohe pōti o West Coast Tasman mō te whakaurunga o Wakefield ki tēnei rohe pōti. Kāore a Wakefield i taea te whakauru atu ki te rohe pōti o Nelson, hēoi, e mau tonu ana a Brightwater ki te rohe pōti o Nelson”.

Ko tā Kaiwhakawā Kendall anō hoki, “I taea e te Kōmihana te whakatutuki te nuinga o ngā whakahē i hāngai te arotahi ki ngā rohe pōti huri noa i Ōtautahi me te aha hoki, he matua rohe tāone aua rohe pōti i reira i nāianei.”

Ā te tau 2012 Te Kōmihana Whakatau Rohe Pōti e hui ai anō (whai muri atu i te Tataunga tapori me te Kōwhiringa Pōti Māori kua whakaritea) ki te arotake me te whakairoiro taupā rohe pōti anō.

He pārongo i tua atu, ka taea ngā mahere whenua mō ngā taupā hōu me te pūrongo o te Kōmihana te mātaki i www.elections.org.nz .

Ka mutu ki konei