Te Kōwhiringa Pōti Māori

MEO 600x50.jpg

He aha te Kōwhiringa Pōti Māori?

He wā e taea ai e ngā Tāngata Māori o Aotearoa me ā rātau uri te kōwhiri kia eke ki runga i te Rārangi Pōti Māori, te Rārangi Pōti Whānui rānei ina pōti rātau i ngā Pōtitanga Whānui e rua e whai ake.

Āhea tū anō ai te Kōwhiringa Pōti Māori?

Ka tū te Kōwhiringa Pōti Māori i roto i ngā marama e whā mai i te 25 o Poutū-te-rangi ki te 24 o Hōngongoi 2013.

Me pēhea taku whakauru ki te Kōwhiringa Pōti Māori 2013?

Mēnā kua rēhita koe ki te pōti, ā, i kī koe he Māori koe nō Aotearoa, he uri rānei koe nō tētahi tangata Māori nō Aotearoa ka tukuna tō mōkihi Kōwhiringa Pōti Māori whaiaro ki a koe.

Ka tae atu te mōkihi ki a koe i te tīmatanga o te wiki o te 25 o Poutū-te-rangi. Ka tukuna ki tō wāhi noho o nā tata nei kei a mātau.

Mēnā e hiahia ana koe ki te noho ki tō momo rārangi pōtitanga o nāianei, ā, kei te tika katoa ngā kōrero mōu, kaua noa e paku aha.

Mēnā e hiahia ana koe ki te huri i tō momo rārangi pōti (mai i te rārangi Māori ki te rārangi Whānui, Whānui ki te Māori rānei) whakakīa mai te puka i roto i tō mōkihi whaiaro, waitohua me te tuhi i te rā, ka whakahoki mai mā te kōpaki urupare kua whakaratoa.

Ki te kore au e whiwhi i tētahi puka Kōwhiringa Pōti Māori 2013 i te mēra ā te Tāite 28 o Poutū-te-rangi me aha au?

Me whakakī koe i tētahi puka rēhita. Ka taea e koe te whakatutuki i tēnei mā:

  • runga ipurangi;
  • te patokoreutu i tō ingoa me tō wāhi noho ki 3676 mō tētahi mōkihi rēhita;
  • te waea ki 0800 36 76 56; tērā rānei
  • mā te haere ki tētahi PostShop ka whakakī i tētahi puka rēhita.

He Māori ahau. Me rēhita au ki te Rārangi Māori?

Kāo. Mēnā kei te rēhita koe hei kaipōti mō te wā tuatahi ka taea e koe te whiriwhiri mēnā e hiahia ana koe ki te rēhita ki te rārangi Whānui, Māori rānei mā te waitohu i te taha e hāngai kei te puka rēhita.

Me pēhea au e mōhio ai kua rēhita au ki te Rārangi Māori, Whānui rānei?

Mēnā kua rēhita kē koe, ka miramiratia tō momo rārangi ki te Kōwhiringa Pōti Māori 2013 ka tukuna ki a koe i te mēra.

Mēnā kei te rēhita koe mō te wā tuatahi, ka whakarerekēhia rānei e koe tō momo rārangi, ka whiwhi koe i tētahi reta e whakaū ana i te momo rārangi i kōwhiria e koe.   

Ka taea anō e koe te tiro tuihono i tō rēhita.

 

 

Last updated: 10 June 2013