KŌRERO WHĀNUI

Whitiwhitinga me te Whakaputanga Kōrero

Nā Wāhanga 38 o te Ture, ka whakaputaina e te Kōmihana he pānui mō ngā taiwhenua hukihuki i te 3 o Haratua 2007 i roto i te Kāhiti, hei tirohanga, hei kōrerotanga mā te iwi whānui. He whakapau wā tēnei hātepe whakaputa tātanga o ngā whārangi e 90. Kei roto hoki tētehi whakamāramatanga, ngā mahere whenua me te whakarāpopotonga mō ngā take Taiwhenua Pōti katoa. Kua whakaurua e te Kōmihana ngā mahere whenua pahekoheko ki runga ipurangi hei āhuatanga tāpiri whakamāramatanga. Kātahi anō nei ka kitea. He nui te mīharo i te mea he hihiko, he hōu. He whakaritenga whai tikanga te tānga whakamōhio, ā, ko tāna mahi he whakamōhio atu i ngā kaupapa a te Kōmihana ki te iwi whānui o Aotearoa kia mārama ai rātau ki tētehi hātepe tōrangapū wehe kē, ā, me pēhea hoki te whai wāhi.

I tukua whānuitia te Pānui Taupā Hukihuki mō ngā Taiwhenua Pōti e te Kōmihana mā roto i ngā tari kaunihera taiwhenua, ngā tari kaunihera tāone nui, ngā Kairēhita Kaipōti, ngā tari Whakapakari ā-Rohe a Te Puni Kōkiri, Te Kooti Whenua Māori, ngā tari a Toitū te Whenua, ā, me ngā whare pukapuka ā-iwi whānui hoki. He raraunga ā-tuhi, ā-mahere whenua hoki i runga Ipurangi. I te wātea ā-hiko ngā puka whakahē, whakahē-ātete hei whakaoti mai me te īmēra ki te Kōmihana. Tua atu i tērā, nā te Kōmihana tētehi pukapuka whakamōhio i whakanao mā te hunga pāpāho. I whakahaerea anō hoki e rātau he hui akoako, ā, he wāhi hoki tō te Kōmihana i ngā matapakinga pitopito kōrero i runga reo irirangi, pouaka whakaata hoki. I pai te whakaatu me te pānui a te hunga pāpāho i te hātepe whakahē, whakahē-ātete hoki me tōna wātaka. I pai ngā whakautu.

I haere tonu te mahi whakanao mahere whenua āmiki a te Kōmihana mō ngā taiwhenua pōti hukihuki i roto pukapaku wehe kē. Kāhore ngā mahere whenua mō runga pakitara i whakaarotia e ia. Tino pai rawa atu te pukapaku nei ki te katoa.

Te Noho Matatapu me te Mana Motuhake

I whakaae ngā kaikōmihana katoa he rite ngā herenga mō rātau ki te whakamahi i ngā mātāpono kei roto i te Ture e takoto ana. Kīhai te Kōmihana i whakatakoto i ōna whakataunga i runga i ō rātau tukunga iho tōrangapū, ā, ki te pērā rātau, ko te turakitanga tērā i te mana motuhake o te Kōmihana, oti atu.

I whakaae te Kōmihana ko te mau tonu o te mana motuhake i whakahuatia i runga ake nei e rātau te tino hiahia, ā, nā reira he mea waiwai tonu i mua i te whakaputanga o ngā taupā hukihuki, kia whakahaerea āna kōhukihuki i tētehi wāhi muna. Mā te whai i tēnei huarahi e noho wātea ai ngā whakataunga a te Kōmihana i ngā mana o ētehi atu. Heoi, i puta anō hoki te whakaae mō te tino hiahia o aua Kaikōmihana he māngai Kāwanatanga, he māngai Taha Whakahē hoki mō te hoki anō ki te whakawhitiwhiti whakaaro, ki te rapu tohutohu hoki mō te whakahāngaitanga o te paearu ture. Nā tērā, ka whakatau te Kōmihana me noho anō hoki i runga i te ngākau tapatahi me te whakaaro o taua mema me te hiahia o taua mema. Nā, i pēnei te whakaae:

· mō taua hunga e tuku tohutohu ana, ka āhei rātau ki te kite kape mārō mō ngā taupā takitaro nā te Kairuri Matua i takatū.

· kia noho te haepapa whakaatu taupā takitaro ki te Kaikōmihana.

· kia mau tonu ngā mahere whenua, ētehi kape rānei i whakaahua, e te Kaikōmihana i ngā wā katoa.

· kei te Kaikōmihana te tikanga me rapu tohutohu, me whakawhitiwhiti whakaaro rānei a ia, ā, mā rānei āna pātai e whakautu e pā ana ki te takatūtanga o ngā whakahē me ngā whakahē-ātete.

· ā, ki te tono te Kōmihana, me hoatu e te Kaikōmihana ngā ingoa o aua tāngata i haere ia ki te rapu tohutohu.

E koa ana te Kōmihana ki te whakaatu i tutuki he ritenga whai hua i waenganui o te noho matatapu me te hiahia ki te whakawhiti whakaaro, ā, ko tērā i hua mai, ko te kore puta turuturu o te whakamōhiotanga pērā i ngā Kōmihana ō mua.

Te Hangarau Rorohiko

I te Kōmihana ngā hangarau rorohiko hōu rawa atu. I whiwhi e ia Kaikōmihana he rorohiko pōnaho e mau pūmanawa rorohiko mahere whenua hōhonu ana me ngā raraunga taupori, tatauranga hoki. I kaha ngā mema Kōmihana ki te whakawhanake momo kōwhiringa, ā, nā te aha hoki, ka pāhekoheko te whakautu. Nā te hangarau te whakautu i tino tere rawa atu ai, i whakakore hoki i te tātaitanga anō o ngā kaute taupori mā te ringa, ā, i ngāwari ai te whakatau otinga kē atu. Nā tēnei hangarau i heke ai te wā mō te Kōmihana ki te whakahiato taupā hukihuki, kātahi ka whakatutuki whakataunga whakamutunga.

Ngā tohutō mō ngā rohe pōti he Māori ngā ingoa

Kua whakamahia ngā tikanga tātaki kupu o Te Taura Whiri i Te Reo Māori mō ngā ingoa rohe pōti he tohutō kei roto. Kua kite hoki te Kōmihana, nō ngā ingoa wāhi papa whenua tuhi, nō ngā tino ingoa kāwanatanga hoki rānei ngā ingoa rohe pōti whānui. Nō ngā wā hoki mua atu i ngā tikanga tātaki kupu aua ingoa wāhi, ā, nā reira kīhai he tohutō i roto. Kua whakamahia ngā tohutō e te Kōmihana i ngā wā ka whakarite ia he tika, i runga anō hoki i ngā whakamaherehere a Te Taura Whiri i Te Reo Māori. Engari, kua kite anō hoki a ia, kīhai anō ngā ingoa, he tohutō kei roto kia whakamanatia hei tino ingoa papa whenua rite anō ki aua ingoa wāhi kei Ngā Pou Taunaha o Aotearoa. Kua whakamahia ngā tohutō e te Kōmihana ki te āwhina i te whakahuatanga o ngā kupu Māori i ngā ingoa rohe pōti kia tika ai.

He Maioha

Ka whakatakoto te Kōmihana i tōna maioha i konei ki te Kairuri-Matua, te Āpihi Pōti Matua me te Kaitatau Kāwanatanga mō te āhua hoki o tā rātau, me ā rātau kaimahi, tuku ratonga mai ki te Kōmihana. I tino pai rawa atu te ngaio o te mahi i tukua ā-whaiaro mai, mā ō rātau kaimahi rānei. Ka whakahuatia ake hoki a Mr Andrew Clouston i konei i te mea ko ia tō mātau kaitohutohu hangarau mō te rorohikotanga, te whakairoiro mahere whenua me ngā mahere, ā, te tātai i ngā nekenga taupori pōti mō te whakatinana kōwhiringa whakatū Taiwhenua Pōti takitahi. Nō ngā taumata ikeike rawa ōna tohungatanga, hihiri, āwhina hoki.

Te Rārangi Tāpiritanga

E tāpiri ana ki tēnei pūrongo, te:

Pukapuka Āpiti A:

Te Pūrongo a te Kaitatau Kāwanatanga e whakatakoto ana i ngā hua o te Tataunga Taupori, Tataunga Kāinga Noho, ā, te tātaitanga hoki o te Taupori Rohe Pōti Māori me te Taupori Rohe Pōti Whānui e ai ki Wāhanga 35(6) o te Ture Pōti 1993.

Pukapuka Āpiti B:

He ripanga e whakaatu ana i te āhua o ngā whakahē me ngā whakahē-ātete i whiwhi, ā, me te whakataunga Kōmihana mō ia take.

Pukapuka Āpiti C:

Ngā ripanga e whakaatu ana i ngā ingoa o ngā Taiwhenua Pōti hukihuki, whakamutunga hoki i te taha o nga kaute taupori Tataunga 2006 e hāngai ana ki aua taiwhenua me ngā rere kētanga mō motunga taupori, ā, me ngā taurangi matapae hoki mō ia take.

Pukapuka Āpiti D:

Te whakamāramatanga nō ngā mahere whai mana taupā o ngā Taiwhenua Whānui, o ngā Taiwhenua Māori hoki.

I tukua i raro i ō mātau ringa i tēnei rā te 14 o Here-turi-kōkā 2007.

PAPAKUPU
pūrongo	report
Te Ariki	Excellency
taupā	boundaries
Rārangi Pōti Whānui	General Electoral Roll
Rārangi Pōti Māori	Māori Electoral Roll
Ngā Mema Nā Tōna Tūranga	Ex Officio Members
Kairuri Matua	Surveyor-General
Kaitatau Kāwanatanga	Government Statistician
Āpiha Pōti Matua	Chief Electoral Officer
tuku	delegate
mematanga	membership
take whānui	general business
tāpaetanga	submission
Rōpū Tōrangapū	Political Party
ngā kōhukihuki	deliberations
hukihuki	proposed
whakahē	objections
whakahē-ātete	counter-objections
tūtohu	recommend
whakarōpūtanga	classification
whakahāngaitanga	alignment
whakahiato, whanaketanga	development
rautaki whitiwhitinga, rautaki	communications and publicity strategy
wehewehenga	division
kaute, whika	figures
taupori	population
Tataunga Taupori, Tataunga Kāinga	Census of Population and Dwellings
motunga	quota
tukunga	allowances, tolerance
pānga hapori	community of interest
te ōrite/rite o te whiwhi māngai	equal representation
takarepa	deficit
kaunihera	council
Ngā Pae Maunga o te Tonga	Southern Alps
whakataki	comment
mahere ripanga	plan table
tātaitanga	calculation
ngā riu mana whakahaere ā-rohe	local authority wards
ngā taupā rohe (o te mema)	constituency boundaries
taupā whakamutunga	final boundaries
taurangi	variation
Kōwhiringa Pōti Māori	Māori Electoral Option
Ipurangi	Internet
Hunga pāpāho	Media
wātaka	timetable
noho matatapu	confidentiality
mana motuhake	independence
rorohiko pōnaho	laptop
pūmanawa rorohiko	computer software
maioha	appreciation
Āpiha Pōti Tuarua	Deputy Chief Electoral Officer
tukunga motunga	quota tolerance
pāhekoheko	interact
matapae	projected
taiwhenua	district
wāhi	place, portion
taha whakahē	opposition
Whare Māngai/Whare o ngā Māngai	House of Representatives
ō muri mai/whai muri	consequential
kaupapa	proposal
kawa	protocol
hātepe	process
rohe pōti pātata	neighbouring electorates
whānui	general
noa	generally
roroku	decline
paearu	criteria
ā-ipurangi	online
tāpāraro, raki, raro	north
wāhi tūturu	territory
rohe pōti tāone	urban electorate
tuawhenua	rural
tataunga	census
karapoti ana	surrounding
whakatika	adjust
kupu whakataki	introduction
whakapūmau	adopt
riu	ward
whakamahia, whakahāngai	applied
Kāhiti	Gazette
iwi whānui, te katoa, marea	public
kōrero	comment, commentary
tukunga	tolerance
ngā mema i whakatūria	appointed members
whakaritenga motunga	quota requirement
whakairoiro	draw
tūtohutanga	recommendation
tānga, whakaputanga	publication
whiriwhiri, whakaaroaro	consider
ngā tino reo/tūturu	official languages
whakamaherehere	advice
ririki noa	minimal
ngā tikanga tātaki	orthographic conventions
rāwhiti, whiti, tai rāwhiti	east
uru, rātō, (tai) hauāuru	west
takiwā tāone	urban area
tapa tāone	suburb
wāhanga	part, section

 

Commission's Full Report | Interactive Maps