TE REO MĀORI Resources

Language

Information about enrolling and voting in Te Reo Māori.

Are you ready to enrol? Click here to enrol now!

Te pōti i te Pōtitanga Whānui 2017

Ko te Rāhoroi te 23 o Mahuru te rā pōti. Ka tīmata te pōti ā te Mane te 11 o Mahuru.

He tikanga hira te pōti mō te tuku i ō whakaaro mō ngā take e pā ana ki a koe, ō hoa me tō whānau. Ka pōti ana koe kei te kōwhiri koe i ngā tāngata me ngā rōpū ka noho māngai mōu i te Whare Pāremata me te hunga ka whakatau tikanga e pā ki tō noho. Ka mātua whakarite koe kia rongohia tō reo mā te rēhita me te pōti i te pōtitanga o tēnei tau.

Me rēhita koe ki te pōti

Ko ngā tāngata anake kua rēhita ka āhei ki te pōti i te Pōtitanga Whānui.

Me mātua rēhita koe mēnā:

  • 18 ō tau, neke atu rānei, ā,
  • he kirirarau koe nō Aotearoa, he kirirarau tūturu rānei koe nō Aotearoa, ā,
  • neke atu i te kotahi tau mau tonu i te iti rawa tō noho ki Aotearoa i tētahi wā.

Ki te rēhita koe i mua o te 23 o Hereturikōkā ka tukuna atu ngā mea katoa e hiahiatia ana kia māmā tō pōti, tae atu ki tō kāri EasyVote. Mā tō kāri EasyVote ka whakamāmā, ka whakatere ake i te pōti.

Ka taea e koe te rēhita ā muri i te 23 o Hereturikōkā engari kāore koe e whiwhi i tō kāri EasyVote.

Ka taea e koe te rēhita tae noa ki te Paraire te 22 o Mahuru, tae atu ki tētahi wāhi pōti tōmua, engari kaua i te rā pōti.

He māmā te rēhita, te whakahōu rānei i ō taipitopito. Hei whiwhi puka rēhita:

  • Haere ki elections.org.nz
  • Waea koreutu ki 0800 36 76 56
  • Me patokoreutu tō ingoa me tō wāhi noho ki 3676
  • Haere ki tētahi PostShop

Mēnā he Māori koe, ā, kei te rēhita koe mō te wā tuatahi, ka taea e koe te eke atu ki te rārangi Māori, te rārangi Whānui rānei.

Te pōti i te Pōtitanga Whānui 2017

Ka taea e koe te pōti atu i te Mane te 11 o Mahuru ki te Paraire te 22 o Mahuru i tētahi wāhi pōti tōmua. Ka taea anō e koe te rēhita, tirotiro, whakahōu rānei ō taipitopito i taua wā anō.

I te rā pōti, te Rāhoroi te 23 o Mahuru, ka tuwhera ngā wāhi pōti katoa mai i te 9.00am ki te 7.00pm. Me mātua rēhita koe i mua o te Paraire te 22 o Mahuru. Kāore koe e āhei te rēhita i te rā pōti.

Ka wātea mai ngā kōrero mō ngā wāhi me te wā pōti, ā, ko te hunga hei pōti māu, ā te Wenerei te 30 o Hereturikōkā i elections.org.nz, mā te waea rānei ki 0800 36 76 56. Ka whakaurua anō ki tō mōkī EasyVote.

Ka taea te pōti i tētahi wāhi pōti puta noa i te motu, engari me whakakī pea i tētahi puka tāpiri ki te pōti koe i waho o tō rohe pōti.

Me pēhea te pōti

Mēnā he kāri EasyVote tāu me heri e koe hei tō haerenga ki te pōti ka tuku ki te kaituku mai i tō pepa pōti. Ka āwhina i a ia ki te kimi i a koe i te rārangi pōti. Ka tonoa koe ki te whakaū i tō ingoa, ā, ka tukuna tō pepa pōti.

Ki te kore tō kāri EasyVote, me kōrero atu koe ki te kaituku i tō pepa pōti i tō ingoa whānui me tō wāhi noho.

He tangata kei te wāhi pōti hei tohutohu i a koe me aha koe, me haere koe ki hea.

Heria tō pepa pōti ki te ārai pōti tūmataiti.

He pōti rōpū me te pōti rohe tā ia kaipōti. Ki tō pepa pōti, me tohu ki te taha o te ingoa o te rōpū tōrangapū e hiahia ana koe me te tohu i te taha o te ingoa o te kaitono e tino hiahia ana koe hei māngai mōu i tō rohe.

Ka āhei koe ki te kōwhiri mai i te rārangi rōpū tōrangapū kotahi ahakoa kei runga koe i te rārangi Whānui, rārangi Māori rānei.

Mēnā kei runga koe i te rārangi Māori ka pōti koe mō tētahi kaitono e tū ana i tētahi rohe pōti Māori, ā, mēnā kei runga koe i te rārangi Whānui ka pōti koe mō tētahi kaitono e tū ana i te rohe pōti Whānui.

Me kī mā te pōti rōpū ka whakarite e hia te maha o ngā tūru ka whiwhi ia rōpū tōrangapū i rō Pāremata. Ko ngā rōpū ka whiwhi i te nuinga o ngā pōti rōpū ka whiwhi i te nuinga o ngā tūru i te Whare Pāremata.

Kāore e tae atu ki tētahi wāhi pōti?

Mēnā kei tētahi whare okioki koe, hōhipera rānei, ka tukuna e Te Kaitiaki Take Kōwhiri ngā rōpū ki te tuku i ngā ratonga pōti. Ki te kore koe e tae ki tētahi wāhi pōti ka taea te whiwhi āwhina ki te pōti. Ka kitea ētahi atu kōrero i elections.org.nz, mā te waea rānei ki 0800 36 76 56.

Te pōti i tāwāhi

Ki te haere koe ki tāwāhi ka taea tonu te pōti. Mai i te Wenerei te 6 o Mahuru ka taea e koe te whiwhi ō pepa pōti mā ēnei tikanga:

  • Tīkina ake ngā pepa pōti i www.elections.org.nz
  • Pātai mai mō ngā pepa pōti ā-mēra
  • Pōti i ngā kāinga māngai kāwanatanga i tāwāhi kei ngā whenua maha. Tirohia a elections.org.nz mō ngā wāhi pōti i tāwāhi.

Kei te hiahia āwhina koe ki te pōti?

Mēnā e hiahia āwhina koe ki te pānui, te māka rānei i tō pepa pōti, ka taea e tētahi hoa, whanaunga, āpiha pōti rānei te āwhina. Ka āhei taua tangata ki te haere i tō taha ki muri o te ārai pōti, me te pānui i ngā kupu me ngā kōrero kei te pepa pōti. Ka āhei anō ia ki te tohu i tētahi pepa pōti mōu e ai ki ō tohutohu. Engari kāore e taea e ia koe te tohutohu me pōti koe mō wai.

Ko ngā kaipōti kāpō, āhua kāpō, he hauātanga rānei e kore e taea e rātau te māka ā rātau pepa pōti me te kore āwhina ka taea te pōti mā te kōrero mai ā-waea.

He whakamōhiotanga anō

Mō ētahi atu kōrero mō te rēhita me te pōti:

Mēnā e mōhio ana koe ki tētahi ka whai āwhina i ēnei mōhiohio, me whakamōhio atu i a ia.

E wātea ana ngā kōrero mō te rēhita me te pōti i roto i ngā reo 27 i elections.org.nz/languages.

Your guide to the 2017 General Election (PDF 521.69 KB)
Everything you need to know about enrolling to vote (PDF 1.13 MB)
Everything you need to know about the unpublished roll (PDF 1021.25 KB)